Me rifillimin e vitit të ri shkollor, Autoriteti Kombëtar për Sigurinë Kibernetike (AKSK) ka nisur sërish aktivitetet ndërgjegjësuese në shkolla, duke vijuar punën për mbrojtjen online të fëmijëve dhe të rinjve. Në bashkëpunim me Agjencinë Shtetërore për të Drejtat dhe Mbrojtjen e Fëmijës (ASHDMF), AKSK organizoi këtë herë një takim ndërgjegjësues me nxënësit e shkollës […]
AKSK, në bashkëpunim me CRDF Global dhe me mbështetjen e Departamentit Amerikan të Shtetit, organizoi eventin Cyber Fortress më 23-24 korrik. Ky aktivitet dy-ditor bashkoi ekspertë të sigurisë kibernetike nga Shqipëria dhe Kosova në një simulim të incidenteve kibernetike, duke përdorur skenarë të ndryshëm dhe sfidues.
U zhvillua në Tiranë Konferenca e Nivelit të Lartë e Sigurisë Kibernetike, organizuar nga Këshilli i Bashkëpunimit Rajonal (RCC) me mbështetjen e Bashkimit Europian. Me praninë e zëvendëskryeministres, znj. Belinda Balluku, Shqipëria prezantoi arritjet dhe sfidat në fushën e sigurisë kibernetike.
Momente të paharrueshme nga retreat-i i stafit të AKSK në Fushë Studën, Librazhd! Kjo fundjavë ishte një kombinim perfekt i prezantimit të punës së përkushtuar në AKSK, natyrës dhe momenteve të bukura mes kolegëve. Gjatë këtij retreat-i, patëm mundësinë të njohim më mirë njëri-tjetrin, të ndanim arritjet tona dhe të diskutojmë sfidat e punës sonë. […]
Grupi i Hapur i Punës për sigurinë dhe përdorimin e teknologjive të informacionit dhe komunikimit të Kombeve të Bashkuara, pas negociatave të gjata dhe zgjidhjes së mosmarrëveshjeve të rëndësishme mbi çështje kyçe, ka miratuar me konsensus Raportin e Tretë të Progresit (APR). Kjo arritje shënon një moment të rëndësishëm në përpjekjet globale për të nxitur bashkëpunimin dhe për të përmirësuar kapacitetet e sigurisë kibernetike. AKSK ishte pjesë aktive e kësaj përpjekjeje dhe prezantoi pozicionin e Shqipërisë në këto negociata, që u zhvilluan më 8-12 korrik 2024.
Përgjatë datave 1-5 korrik, Autoriteti Kombëtar për Sigurinë Kibernetike (AKSK) mori pjesë në Fellowship-in “Women in International Security and Cyberspace” (WiC) në New York, mbështetur nga Departamenti Amerikan i Shtetit. Ky trajnim ndërkombëtar synon të fuqizojë gratë dhe të rrisë përfaqësimin e tyre në diskutimet globale mbi sigurinë kibernetike. Pjesëmarrja e AKSK-së tregon përkushtimin tonë ndaj barazisë gjinore dhe përmirësimit të sigurisë kibernetike në nivel ndërkombëtar.
Më datat 24 deri më 27 qershor 2024, Autoriteti Kombëtar për Sigurinë Kibernetike mori pjesë në konferencën ndërkombëtare Cyber Week 2024 në Tel Aviv, ku uzhvilluan takime të vlefshme dhe produktive me përfaqësues nga vende të ndryshme të botës.
Ky forum ofroi një mundësi të jashtëzakonshme për të diskutuar mbi sfidat e terrorizmit global kibernetik dhe për të forcuar partneritetet ndërkombëtare.
Autoriteti Kombëtar për Sigurinë Kibernetike do të organizojë webinarin e radhës me Temë: “Sulmet Kibernetike, Vektorët e Sulmeve dhe Mbrojtja ndaj tyre”. Pavarësisht nëse jeni profesionist me përvojë apo sapo keni nisur udhëtimin tuaj, ky webinar është për ju dhe do t’ju ofrojë njohuritë si:* Çfarë janë sulmet kibernetike* Cilët janë Vektorët e sulmeve* Si të mbrohemi […]
Kontribuoni në mbrojtjen e infrastrukturave tona kibernetike duke raportuar incidentet që hasni! Sipas Ligjit 25/2024 “Për sigurinë kibernetike”, neni 25 i tij, çdo subjekt, përpos operatorëve të infrastrukturave kritike dhe të rëndësishme të informacionit, kanë mundësinë të raportojë vullnetarisht incidente të sigurisë kibernetike. Çfarë përmban ky nen? 1. Përveç operatorëve të infrastrukturave kritike dhe të […]
Tregohuni të kujdesshëm nga emailet që pretendojnë të vijnë nga CrowdStrike. Aktorë të krimit kibernetik po shfrytëzojnë problemin teknik të së premtes duke u shtirur si kompania e sigurisë kibernetike “CrowdStrike”.
