Më 7-8 nëntor, AKSK mori pjesë në “Konferencën e 9-të për Koordinimin e Sigurisë Rajonale në Ballkanin Perëndimor”, zhvilluar në Sarajevë. Gjatë konferencës u diskutua mbi rëndësinë e përballimit të kërcënimeve kibernetike dhe forcimit të bashkëpunimit rajonal. Eventi u fokusua në ndarjen e përvojave dhe mbështetjen që ofrojnë organizatat rajonale dhe ndërkombëtare për vendet anëtare.
AKSK mori pjesë në trajnimin e tretë vjetor për diplomacinë kibernetike, organizuar nga OSBE më 4 dhe 6 nëntor në Vjenë. Ky event mblodhi ekspertë nga rajone të ndryshme për të forcuar kapacitetet kombëtare në politikat ndërkombëtare të sigurisë kibernetike, duke promovuar bashkëpunimin dhe masat e besimit në hapësirën kibernetike.
Shqipëria u mirëprit si Shteti i ri Pjesëmarrës në CoE, pasi iu bashkua organizatës në qershor 2024. Duke vënë në dukje prioritetet e saj kundër kërcënimeve hibride, Shqipëria theksoi rëndësinë e sigurisë kibernetike & stabilitetit në Ballkanin Perëndimor. Shqipëria shprehu gatishmërinë për të kontribuar në punën e CoE & për të bashkëpunuar me shtetet pjesëmarrëse.
Autoriteti Kombëtar për Sigurinë Kibernetike (AKSK), në bashkëpunim me Bashkinë Fier, organizoi trajnimin mbi Higjenën Kibernetike për të gjithë nëpunësit e bashkisë dhe simulimet Cyber Drill për stafin IT të administratës vendore në këtë qytet.
AKSK pati kënaqësinë të mirëpriste pranë ambienteve të autoritetit, znj. Liesyl Franz, Asistente Sekretare për Hapësirën Ndërkombëtare Kibernetike dhe Sigurinë Ndërkombëtare të Hapësirës Kibernetike në SHBA.
Autoriteti Kombëtar për Sigurinë Kibernetike zhvilloi një trajnim për stafin e infrastrukturave kritike dhe të rëndësishme të informacionit, si dhe për institucionet e pavarura, duke u fokusuar në rritjen e kapaciteteve teknike përmes përdorimit të teknologjive open-source në mbrojtjen kibernetike.
Nxënësit e Shkollës së Mesme Profesionale “Gjergji Canco” patën mundësinë të marrin pjesë në një Cyber Drill të organizuar nga ekspertët e Autoritetit Kombëtar për Sigurinë Kibernetike. Ky trajnim synonte t’u ofronte nxënësve një përvojë praktike dhe konkrete mbi sfidat që paraqet siguria kibernetike në botën digjitale. Përmes skenarëve të simuluar, ata mësuan se si […]
Autoriteti Kombëtar për Sigurinë Kibernetike ka nënshkruar një marrëveshje bashkëpunimi me Fondacionin Shqiptaro-Amerikan për Zhvillim (AADF) dhe Protik Innovation Center. Kjo marrëveshje synon rritjen e kapaciteteve profesionale në fushën e sigurisë kibernetike, duke ofruar: Programe të dedikuara trajnimi për ekspertë të rinj dhe profesionistë të fushës. Praktika pune përmes programit MIP, që lidh njohuritë teorike […]
Autoriteti Kombëtar për Sigurinë Kibernetike (AKSK) dhe Ministria e Punëve të Jashtme e Mbretërisë së Holandës, në bashkëpunim me Observer Research Foundation America dhe Qendrën për Studime mbi Demokracinë dhe Qeverisjen, organizuan një dialog rajonal mbi politikat kibernetike më 20-21 nëntor 2024, në Tiranë, Shqipëri. Ky aktivitet mblodhi 60 pjesëmarrës nga qeveria, biznesi dhe shoqëria […]
