Autoriteti Kombëtar për Sigurinë Kibernetike kërkon të marrë me qira ambiente për përdorim zyra administrative, me këto specifikime teknike dhe kritere kualifikuese si më poshtë vijon:
I. Specifikimet Teknike për ambientin e zyrave administrative:
- Sipërfaqja e shfrytëzueshme të jetë idealisht 1500 m²;
- Lidhje me rrjetin e ujësjellës kanalizimeve dhe rrjetin elektrik;
- Ambjenti të jetë brenda territorit urban të qytetit të Tiranës, në afërsi të Kryeministrisë;
- Sipërfaqja të jetë e përshtatshme për zyra administrative.
II. Kriteret e kualifikimit oferta e qiradhënësit duhet të jetë e shoqëruar me dokumentacionin si vijon:
- Kërkesa e subjektit për pjesëmarrje në konkurrim;
- Ofertën, ku të jetë specifikuar çmimin mujor të qirasë (lek/muaj);
- Ekstrakt tregtar i subjektit (i vulosur elektronikisht) ose dokument identifikimi (ID) në rastin e ofertuesve individ;
- Dokumentacionin që provon pronësinë/disponimin e ambientit (Çertifikatë pronësie shoqëruar me kartelën e pasurisë dhe hartën treguese, kontratë qiraje, kontratë porosie/sipërmarrje apo çdo akt tjetër që përbën titull pronësie sipas legjislacionit shqiptar në fuqi). Në rast se sipërfaqja e ambientit nuk është pronësi të Subjektit ofertues, subjekti duhet të paraqesë kontratë qiraje të lidhur para noterit e cila duhet të jetë e vlefshme gjatë periudhës që përkon me afatin e kontratës së qiramarrjes, shoqëruar me dokumentacionin e pronësisë;
- Kopje të librezave të lëshuara nga shoqëritë OSHEE Sh.a/FSHU Sh.a dhe UKT Sh.a;
- Foto të ambienti për përdorimin e zyrave administrative dhe operacionale
Shënim:
– Të gjithë dokumentat duhet të jenë origjinale ose kopje të noterizuara të tyre. Rastet e mos-dorëzimit të një dokumenti, ose të dokumentave të rreme e të pasakta, konsiderohen si kushte për skualifikim.
– Çmimi i qirasë së ofertuar nga subjektet, duhet të përfshijë të gjitha detyrimet tatimore që burojnë nga marrëdhënia e qirasë, të cilat do të jenë në ngarkim të qiradhënësit.
– Autoriteti Kombëtar për Sigurinë Kibernetike rezervon të drejtën për të verifikuar të gjitha kushtet e ambienteve, duke kryer verifikimet përkatëse nëpërmjet përfaqësuesve të saj.
Të interesuarit (ofertuesit qiradhënës) duhet të dorëzojnë të gjithë dokumentacionin brenda datës 04.08.2026, në rrugë elektronike në adresën info@aksk.gov.al ose fizikisht pranë protokollit të institucionit.