Albania Archives - AKSK

Studentë nga Universiteti i Leidenit njihen me përvojën e Shqipërisë në sigurinë kibernetike

aksk admin — Fri, 30 Jan 2026 10:19:49 +0000

45 studentë nga Universiteti i Leidenit në Hollandë, nga programi i Administrimit Publik, zhvilluan një vizitë studimore pranë Autoritetit Kombëtar për Sigurinë Kibernetike.

Gjatë vizitës, studentët u njohën me institucionin dhe me përvojën konkrete të Shqipërisë në fushën e sigurisë kibernetike. Diskutimi u përqendrua në mënyrën e reagimit institucional, koordinimin ndërmjet strukturave përkatëse dhe rolin e administratës publike në menaxhimin praktik të situatave të tilla, duke u shoqëruar me pyetje nga studentët lidhur me fushën e tyre të studimit.

Nxënës nga shkolla “Kostandin Kristoforidhi” Elbasan vizitojnë Autoritetin Kombëtar për Sigurinë Kibernetike

aksk admin — Tue, 06 Jan 2026 14:38:45 +0000

Një grup nxënësish nga shkolla “Kostandin Kristoforidhi”, Elbasan, zhvilluan një vizitë informuese në ambientet e Autoriteti Kombëtar për Sigurinë Kibernetike, në kuadër të nismave të vazhdueshme për afrimin e të rinjve me fushën e sigurisë kibernetike dhe rritjen e ndërgjegjësimit mbi rëndësinë e saj.

Gjatë vizitës, ekspertë të AKSK-së prezantuan rolin dhe përgjegjësitë e institucionit, proceset e punës dhe angazhimin e përditshëm në mbrojtjen e hapësirës digjitale të vendit. Nxënësit u njohën gjithashtu me aspekte praktike të sigurisë online, menaxhimin e rreziqeve kibernetike dhe rëndësinë e sjelljes së përgjegjshme në mjedisin digjital.

Përmes këtyre aktiviteteve, Autoriteti Kombëtar për Sigurinë Kibernetike synon jo vetëm ndërgjegjësimin, por edhe nxitjen e interesit dhe zhvillimin e aftësive të të rinjve në fushat e sigurisë kibernetike, duke kontribuar në formimin e brezave të ardhshëm të profesionistëve në një sektor strategjik për sigurinë kombëtare.

Buletini i Lajmeve të Sigurisë Kibernetike Dhjetor 2025

aksk admin — Mon, 05 Jan 2026 11:55:46 +0000

Masat e sigurisë kibernetike gjatë festave, në fokus të takimeve koordinuese me infrastrukturat

aksk admin — Wed, 24 Dec 2025 13:29:58 +0000

Autoriteti Kombëtar për Sigurinë Kibernetike zhvilloi një seri takimesh koordinuese me përfaqësues të infrastrukturave kritike dhe të rëndësishme të informacionit, me fokus forcimin e gatishmërisë dhe koordinimit përballë rreziqeve të shtuara kibernetike gjatë periudhës së festave të fundvitit.

Gjatë takimeve u theksua se periudha festive karakterizohet nga një rritje e ndjeshme e kërcënimeve kibernetike, për shkak të volumit të shtuar të aktiviteteve online. Në këtë kontekst, diskutimet u përqendruan në masat e menjëhershme për monitorim të shtuar të sistemeve, reagim të shpejtë ndaj incidenteve dhe forcim të mekanizmave të shkëmbimit të informacionit në kohë reale.

Një vëmendje e veçantë iu kushtua ndërgjegjësimit të stafit dhe rritjes së gatishmërisë operacionale gjatë kësaj periudhe, si elementë kyç për parandalimin dhe menaxhimin efektiv të incidenteve kibernetike. Paralelisht, u diskutuan edhe drejtimet kryesore të planit afatmesëm për vitin në vijim, i orientuar drejt forcimit të kapaciteteve institucionale përmes trajnimeve të specializuara dhe rritjes së qëndrueshmërisë kibernetike në nivel kombëtar.

Këto takime përbëjnë një hap konkret në përforcimin e bashkëpunimit dhe koordinimit mes aktorëve kryesorë, me qëllim garantimin e sigurisë dhe vazhdimësisë së shërbimeve kritike gjatë festave të fundvitit dhe përgjatë vitit në vijim.

Ballkani Perëndimor bashkohet në Tiranë për dialogun rajonal mbi sigurinë kibernetike

aksk admin — Mon, 20 Oct 2025 12:08:43 +0000

Autoriteti Kombëtar për Sigurinë Kibernetike (AKSK) dhe Ministria e Punëve të Jashtme e Mbretërisë së Hollandës, në bashkëpunim me Observer Research Foundation America dhe Albania Sustainable Development Organization, organizuan në Tiranë një dialog rajonal mbi politikat e sigurisë kibernetike.

Ky aktivitet mblodhi 50 pjesëmarrës nga qeveria, biznesi dhe shoqëria civile nga gjashtë vendet e Ballkanit Perëndimor. Agjenda e takimit trajtoi mënyrat për të përmirësuar bashkëpunimin rajonal në mbrojtjen kibernetike, reagimin ndaj incidenteve, diplomacinë kibernetike dhe ngritjen e kapaciteteve.

Drejtori i Përgjithshëm i AKSK, z. Igli Tafa, u shpreh: “Ende ekziston një hendek i ndjeshëm në fushën e sigurisë kibernetike në të gjithë Ballkanin Perëndimor. Sfida të tilla nuk mund të përballohen të vetëm, por vetëm përmes bashkëpunimit dhe ndërtimit të përbashkët të kapaciteteve mund të ecim përpara.”

Ernst Noorman, Ambasador i Posaçëm për Çështjet e Sigurisë Kibernetike në Ministrinë e Punëve të Jashtme të Mbretërisë së Hollandës, theksoi:
“Siguria kibernetike kërkon përfshirje të shumë aktorëve, nuk është vetëm çështje qeveritare, por përfshin gjithë shoqërinë. Me digjitalizimin që sjell efikasitet, sfidat bëhen gjithnjë e më komplekse. Veprimi i koordinuar dhe besimi i ndërsjellë janë thelbësorë nëse duam të ecim përpara së bashku.”

Ky dialog ndërtohet mbi rezultatet e takimeve të mëparshme të zhvilluara në Tiranë në nëntor 2024 dhe në Shkup, Maqedonia e Veriut, në qershor 2022 dhe shtator 2023.

Shpallen fituesit e fazës së parë të Maratonës Kombëtare për Sigurinë Kibernetike

aksk admin — Mon, 20 Oct 2025 10:34:48 +0000

Në ambientet e Autoritetit Kombëtar për Sigurinë Kibernetike u zhvillua ceremonia e ndarjes së çertifikatave për fituesit e fazës së parë të Maratonës Kombëtare për Sigurinë Kibernetike, një nismë që synon të nxisë pjesëmarrjen e gjerë dhe të përfshijë talentet e reja në zhvillimin e aftësive praktike në fushën e sigurisë kibernetike.

Në fjalën e tij përshëndetëse, drejtori i AKSK, z. Igli Tafa, vlerësoi përkushtimin dhe performancën e pjesëmarrësve, duke theksuar se përmes kësaj maratone po ndërtohet një kulturë bashkëpunimi, zhvillimi profesional dhe motivimi për gjeneratat e ardhshme të ekspertëve kibernetikë.

Në përfundim të fazës së parë, u shpallën fituesit në dy kategori: universitetet dhe studentët, të cilët u dalluan për rezultatet e tyre në platformën SimSpace.

Renditja për universitetet:

Fakulteti i Teknologjisë së Informacionit, Universiteti i Tiranës
Universiteti New York Tirana
Akademia e Forcave të Armatosura

Renditja për studentët:

Orgito Leka
Earta Joca
Sidrit Dervishi

Rezultatet e kësaj faze pasqyrojnë përkushtimin e të rinjve për të avancuar në fushën e sigurisë kibernetike dhe rolin që universitetet po marrin në përgatitjen e kapaciteteve të reja profesionale, në përputhje me vizionin e AKSK për zhvillimin e qëndrueshëm të ekosistemit digjital të vendit.

AKSK zhvillon trajnim për forcimin e kapaciteteve në sigurinë kibernetike

aksk admin — Mon, 20 Oct 2025 09:48:19 +0000

Autoriteti Kombëtar për Sigurinë Kibernetike zhvilloi një trajnim të dedikuar për stafin e infrastrukturave kritike dhe të rëndësishme të informacionit, me qëllim forcimin e kapaciteteve teknike dhe rritjen e ndërgjegjësimit në fushën e sigurisë kibernetike. Aktiviteti, i mbajtur në ambientet e Autoritetit, u fokusua në aftësimin e pjesëmarrësve për të reaguar në mënyrë efektive ndaj incidenteve kibernetike dhe për të zbatuar masa parandaluese në infrastrukturat e tyre.

Gjatë trajnimit, ekspertët e AKSK ndanë njohuri praktike dhe raste konkrete mbi menaxhimin e incidenteve, vlerësimin e rreziqeve dhe identifikimin e kërcënimeve të mundshme, duke theksuar rëndësinë e ndërtimit të një kulture të qëndrueshme të sigurisë digjitale në çdo institucion. Ky trajnim është pjesë e një programi të vazhdueshëm të Autoritetit që synon përgatitjen e vazhdueshme të profesionistëve të IT dhe sigurisë kibernetike, për të përforcuar mbrojtjen e infrastrukturave të rëndësishme të informacionit në vend.

Shqipëria ngjitet në vendin e 15-të në botë për sigurinë kibernetike sipas NCSI 2025

aksk admin — Thu, 25 Sep 2025 10:15:07 +0000

Shqipëria ka shënuar një arritje të jashtëzakonshme në fushën e sigurisë kibernetike, duke u renditur në vendin e 15-të në botë me 85 pikë, sipas National Cyber Security Index (NCSI).

Ky rezultat përfaqëson një ngritje prej 39 pozicionesh krahasuar me vitin 2023, kur vendi ynë ishte në vendin e 54-të me 62.34 pikë. Brenda vetëm dy vitesh, Shqipëria ka kaluar dhjetëra shtete të mëdha, duke u shndërruar në një nga historitë më të jashtëzakonshme të suksesit në sigurinë kibernetike globale.

Ku konsistojnë disa nga pikat e progresit sipas NCSI (2023 → 2025)

– Korniza ligjore dhe institucionale – Shqipëria ka përditësuar kuadrin ligjor, janë miratuar akte nënligjore të reja, ka një strategji kombëtare, plan veprimi funksional dhe është konsoliduar roli i AKSK si autoritet qendror për sigurinë kibernetike.
– Ndërgjegjësimi publik dhe analiza e kërcënimeve – është siguruar 100% përmbushje: publikohen raporte për kërcënimet kibernetike dhe zhvillohen fushata të rregullta ndërgjegjësuese, duke rritur nivelin e informimit të qytetarëve dhe institucioneve.
– Reagimi ndaj incidenteve – nga boshllëqe të dukshme në 2023, sot Shqipëria ka arritur 100% përmbushje, me kapacitet kombëtar CIRT, mekanizma online për raportim dhe detyrime ligjore për operatorët.
– Menaxhimi i krizave – një nga fushat me rritjen më të ndjeshme, falë planit kombëtar për krizat kibernetike dhe trajnimeve praktike kombëtare e rajonale.
– Mbrojtja e infrastrukturave kritike dhe e të dhënave personale – është arritur 100% përmbushje, duke vendosur detyrime ligjore për infrastrukturat kritike, skema auditimi dhe mbrojtje të garantuar nga autoritetet përgjegjëse.
– Bashkëpunimi ndërkombëtar – Shqipëria ka përmbushur 100% të indikatorëve, duke marrë pjesë aktive në rrjete të BE-së, OSBE-së dhe iniciativa globale për ndërtimin e kapaciteteve.

Çfarë është NCSI?

National Cyber Security Index (NCSI) është një indeks ndërkombëtar që mat nivelin e përgatitjes së shteteve për të parandaluar kërcënimet dhe për të menaxhuar incidentet kibernetike. Ai zhvillohet nga E-Governance Academy (EGA) në Estoni, një organizatë e njohur globalisht për ekspertizën në qeverisjen digjitale dhe sigurinë kibernetike.

Indeksi përfshin 112 shtete dhe vlerëson mbi 40 indikatorë që mbulojnë: kuadrin ligjor dhe institucional, mbrojtjen e shërbimeve kritike dhe të dhënave personale, kapacitetet e reagimit dhe menaxhimit të krizave, si dhe bashkëpunimin ndërkombëtar.

Rezultati i vitit 2025 tregon se Shqipëria nëpërmjet Autoritetit Kombëtar për Sigurinë Kibernetike ka ndërtuar kapacitete të qëndrueshme institucionale dhe teknike, duke e bërë sigurinë kibernetike një element kyç të zhvillimit dhe integrimit digjital të vendit tonë.

Link-u i raportit: https://ncsi.ega.ee/country/al/

Shqipëria drejt Varshavës – Vijon procesi i përzgjedhjes së ekipit përfaqësues për ECSC 2025

aksk admin — Mon, 01 Sep 2025 09:43:27 +0000

20 të rinj u përballën me një sfidë praktike në Laboratorin e Sigurisë Kibernetike në AKSK, në kuadër të fazës së tretë të përzgjedhjes për ekipin kombëtar që do të përfaqësojë Shqipërinë në European Cyber Security Challenge. Sfida konsistoi në një ushtrim real me ndarje në Red dhe Blue Team, ku pjesëmarrësit testuan aftësitë e tyre në sulm dhe mbrojtje kibernetike.

Procesi do të vijojë me sfida dhe trajnime të dedikuara, pas të cilave do të përzgjidhen 10 fituesit që do të mbajnë flamurin shqiptar më 6–10 tetor në Varshavë, Poloni, në garën më prestigjioze evropiane për talentët e rinj të sigurisë kibernetike.

Drejtori i AKSK, z. Igli Tafa, theksoi se ky kompeticion ka një vlerë të veçantë jo vetëm për rritjen profesionale të të rinjve, por edhe për përfaqësimin kombëtar. “Ngritja e flamurit të Shqipërisë në mesin e ekipeve më të mëdha të Evropës është një emocion i jashtëzakonshëm dhe një përgjegjësi e madhe,” u shpreh ai. Z. Tafa shtoi se përmes përgatitjes dhe trajnimeve intensive synohet maksimizimi i rezultateve, ndërsa AKSK do të jetë plotësisht e angazhuar për t’i mbështetur pjesëmarrësit në këtë kompeticion.

Në partneritet me zyrën e UNDP Albania dhe projektin “Youth for Inclusion, Equality, and Trust”, kjo nismë po u jep të rinjve shqiptarë një mundësi unike për të treguar talentin e tyre në një kompeticion prestigjioz evropian.

Hapet thirrja për përfaqësimin e Shqipërisë në European Cyber Security Challenge 2025

aksk admin — Fri, 25 Jul 2025 12:14:22 +0000

Autoriteti Kombëtar për Sigurinë Kibernetike (AKSK) shpall hapjen e thirrjes për përzgjedhjen e ekipit shqiptar që do të përfaqësojë Shqipërinë në European Cyber Security Challenge (ECSC) 2025, një nga garat më të rëndësishme evropiane në fushën e sigurisë kibernetike për të rinjtë.

Këtë vit, gara do të zhvillohet nga 6 deri më 10 tetor 2025, në Varshavë, Poloni, dhe organizohet nga ENISA – Agjencia e Bashkimit Evropian për Sigurinë Kibernetike.

ECSC synon të identifikojë dhe promovojë talentet e reja në fushën e sigurisë kibernetike, duke i vënë përballë sfidave praktike me ekipe nga mbi 40 vende pjesëmarrëse.

Kush mund të aplikojë?

Të gjithë të rinjtë e moshës 14–24 vjeç, të apasionuar pas teknologjisë dhe sigurisë digjitale, të cilët dëshirojnë të testojnë aftësitë e tyre dhe të përfaqësojnë Shqipërinë në një platformë ndërkombëtare të nivelit të lartë.

Çfarë përfshin gara?

Pjesëmarrësit do të përballen me sfida teknike në fusha si:

Siguria e faqeve dhe shërbimeve web
Siguria e aplikacioneve mobile
Kriptografi
Reverse engineering
Fforensics

Në përfundim të procesit të përzgjedhjes, 10 të rinj do të përbëjnë ekipin përfaqësues të Shqipërisë në këtë garë.

Si të aplikoni?

Të interesuarit mund të plotësojnë formularin e aplikimit këtu.

Për më shumë informacion mbi garën ndërkombëtare: www.ecsc.e