Përdorimi në rritje i Internetit nga fëmijët dhe të rinjtë kohët e fundit ka rritur gjithashtu edhe rrezikun që ofron përdorimi i pasigurt i tij. Gjithashtu, komunikimet elektronike çdo ditë e më shumë po bëhen pjesë e rëndësishme e të gjitha zhvillimeve të shoqërisë mbarë botërore. Ndërtimi i besimit në mjedisin online, është çelësi për zhvillimin ekonomik dhe social, pasi mungesa e besimit, në veçanti për shkak të mungesës së perceptuar të sigurisë juridike, i bën konsumatorët të hezitojnë për të kryer transaksione në rrugë elektronike dhe të miratojnë shërbime të reja.

Projekti synon rritjen e ndërgjegjësimit për sigurinë e fëmijëve në Internet dhe aftësimi i tyre për përdorimin e e-shërbimeve në ambientet tashmë multifunksionale të bibliotekës “Hamit Beqja”. CyberCorner do të ofrojë për fëmijët dhe të rinjtë mundësi për njohuri të thelluara mbi tematikat aktuale dhe sensitive, si: përdorimi i internetit të sigurt, kodimi, radikalizmi dhe ekstremizmi i dhunshëm, shërbimet elektronike publike. Për secilën nga këto tema janë hartuar module, si dhe janë instaluar pajisje kompjuterike, me të cilat mund të ndërveprohet gjatë qëndrimit në ambientet e bibliotekës dhe do të organizohen nëpërmjet workshopeve nga ekspertët e AKCESK.

Në fjalën përshëndetëse, Drejtori i përgjithshëm i AKCESK Znj. Vilma Tomço theksoi se “Dita e Internetit të Sigurt na jep mundësinë unike për të promovuar sigurinë në internet, të frymëzojmë fëmijët dhe të rinjtë që të shfrytëzojnë entuziazmin dhe kreativitetin e tyre dhe t’i mbështesim ata për të ndërtuar përvoja pozitive në Internet. Është frymëzuese të shohësh kaq shumë organizata dhe individë të ndryshëm të mblidhen sot për të ndërtuar një internet më të mirë. Ndërgjegjësimi i qytetarëve për përdorimin e Internetit të sigurt është një angazhim i kthyer në traditë nga Autoriteti në bashkëpunim edhe me organe të tjera përgjegjëse, për edukimin e fëmijëve në mjedisin online. Vetëm duke punuar së bashku Qeveria, industria, prindërit, shkollat dhe komunitetet mund të promovojnë avantazhet e Internetit, duke zvogëluar rreziqet që burojnë prej tij.”

Administratori i njësisë bashkiake nr. 8, z. Dritan Dango u fokusua tek angazhimi i Bashkisë për zhvillimin e qendrave multifunksionale. Të orientojmë fëmijet dhe të rinjtë drejt shfrytëzimit të këtyre qendrave duke i sjellë pranë librit dhe teknologjisë njëkohësisht, si një mjet i domosdoshëm për edukimin e tyre.

Drejtoresha e PR dhe Marketing në Raiffeisen Bank Znj. Greta Lekaj theksoi bashkëpunimin me AKCESK, duke vlerësuar CyberCorner si një inovacion të fushës dhe shembull të përgjegjësisë sociale të organizatës, për një edukim cilësor të brezit të ri. “Ne do të vazhdojmë të mbështesim iniciativa të tilla, të cilat kontribuojnë në edukimin dhe zhvillimin e nxënësve sepse ne besojmë që ju jeni ardhmja, ju jeni ata që do të kontribuoni në zhvillimin e mëtejshëm të vendit”.

Përfaqësuesi i Telekom Albania, Z. Verdi Norja, vlerësoi iniciativën inovative të AKCESK, e cila përmbush objektivat e Telekom gjithashtu, për një mjedis të sigurt online për fëmijët dhe të rinjtë. Të përdorim sa më shumë hapësira publike për ndergjegjesim dhe edukim të fëmijëve dhe të rinjve, nëpërmjet teknologjisë së informacionit, për një internetit të sigurt për ta!

]]> https://aksk.gov.al/dita-evropiane-per-mbrojtjen-e-femijeve-nga-shfrytezimi-dhe-abuzimi-seksual/ Mon, 18 Nov 2019 13:33:02 +0000 https://aksk.gov.al/?p=10237 Në datën 18 Nëntor 2019, në kuadër të 30-vjetorit të Konventës për të Drejtat e Fëmijëve dhe ditës Evropiane “Për mbrojtjen e fëmijëve nga shfrytëzimi dhe abuzimi seksual”, Agjencia Shtetërore për Mbrojtjen e të Drejtave të Fëmijëve, si dhe Autoriteti Kombëtar për Certifikimin Elektronik dhe Sigurinë Kibernetike (AKCESK), në partneritet të ngushtë me Unicef Albania, organizuan në qendrën COD pranë Kryeministrisë, aktivitetin për rritjen e ndërgjegjësimit dhe edukimin e fëmijëve mbi përdorimin e internetit të sigurtë.

Në takimin e moderuar nga vetë nxënësit e shkollave 9-vjeçare “Kosova”, “26 Nëntori”, “Vasil Shanto”, të trajnuar më parë nga AKCESK, që gëzojnë tashmë statusin e “Peer educators”, informuan bashkëmoshatarët e tjerë për rreziqet që mund të hasin në internetit, se si mund të parandalojnë situata të papërshtatshme e të dëmshme online dhe ku të raportojnë në raste situatash të tilla. Fëmijët ndanë me bashkëmoshatarët e tyre aplikacionin ‘ichild Quiz’ publikuar në faqen zyrtare të aksk.gov.al, ku nëpërmjet lojës ata testojnë aftësitë e tyre në lidhje me çështjet e internetit të sigurt.

Diskutimet në formë bashkëbisedimi përcollën mesazhe sensibilizuese dhe orientuan nxënësit për ndihmë në raste abuzimi, dhune, apo shfrytëzimi ndaj tyre.

Ky aktivitet u realizua në bashkëpunim me partneret tanë Ambasada Amerikane dhe Ambasada Britanike, në Tiranë, Intesa San Paolo Bank, Abi Bank, Fibank, AQSCERT dhe Protik.

Duke pasur në thelb gruan dhe karrierën e saj, konferenca trajtoi tri tema të ndryshme: 1) She Leads Tech, 2) Women4Tech Initiatives dhe 3) Growing in the cyber ecosystem.
Në të treja këto sesione ndanë këshilla dhe rrëfyen rrugëtimin e tyre, shumë gra të suksesshme në karrierë si znj.Vilma Tomço, znj. Edlira Muhedini, znj. Miranda Harizaj, znj. Anila Hoxha, znj. Hatixhe Bilibashi, znj. Arlinda Mujo, znj. Xhenina Pashaj, znj. Anxhela Neli, D3c0ders, znj. Zoica Doko dhe Simona Petrozzi. Një fjalim shumë origjinal mbajti edhe profesori Rezart Prifti, i cili ishte i vetmi folës mashkull në panel.

Qëllimi i eventit ishte motivimi dhe këshillimi i pjesëmarrësve për zhvillimet në fushën e teknologjisë së informacionit, në veçanti studentët dhe profesionistët e rinj. Znj.Vilma Tomço, Drejtoresha e përgjithshme e AKCESK, tha se ka një rritje të numrit të vajzave dhe grave në sigurinë kibernetike. Kjo sipas saj, po ndodh sepse gratë janë të dedikuara ndaj punës, janë ambicioze dhe kurioze si natyrë, dhe padyshim gratë mund të bëjnë shumë punë në të njëjtën kohë.

Një mesazh për të gjitha gratë lidhur me kibernetikën, ndau Znj. Miranda Harizaj, CEO e WIT Albania. Ajo tha se:“Femra është një forcë e madhe në të gjitha fushat, pse jo të mos jetë edhe në fushën e kibernetikës”. Ajo doli në mbështetje të të gjitha grave, të cilat po drejtojnë në mënyrë të mrekullueshme, poste që deri dje njiheshin si “poste meshkujsh”.

Arlinda Muja, nga Kredo.al tha se sot 30 vite nga rrëzimi i komunizmit, situata ka ndryshuar pasi inovacioni ka ecur me ritme të shpejta në vendin tonë. Arlinda tha se 63% e shqiptarëve sot janë përdorues të internetit. Gratë sot janë vendimarrëse dhe kanë një rol të fuqishëm lidershipi në politikë, institucione, media, biznes, shoqëri civile. “Sot 18 vjet pas diplomimit tim, drejtimin e kompanisë Fintech të Mikrofinancës, Kredo. Al e shoh si vazhdimësi të një rrugëtimi të sukseshëm që më bën të ndihem e plotësuar dhe e realizuar në qëllimet e mia profesionale”. Por, gjithë ky rrugëtim drejt suksesit padyshim që nuk ka qenë aq i lehtë. Arlinda theksoi se në Kredo.al, rreth 71% e kompanisë dominohet nga femrat, ndërsa në ekipin menaxherial ka një staf me 100% femra. Ndaj, suksesin e kompanisë së saj ua dedikon femrave.

Ajo ndau me të pranishmit disa këshilla të rëndësishme:
Mos synoni që në 10 vitet e para të punës të merrni poste drejtuese. Këto 10 vite shfrytëzojini për të mësuar gjëra të reja.
Mos jini vetëm një IT. Sa më shumë të njihni komponentët e biznesit ku jeni të punësuar, aq më i lehtë do të jetë suksesi dhe zhvillimi juaj profesional.
Çdo ide që jepni, duhet ta jepni me një strategji.
“E ardhmja u përket inovacionit dhe grave drejtuese. Koha është në avantazhin tuaj. Unë jam e bindur që do t ia dilni. Prandaj, mos u ndalni”.
Po ashtu, fjalime ku rrëfyen historitë e tyre të suksesit mbajtën edhe Xhenina Pashaj themeluese e Code IT, Anxhel Neli nga komuniteti SPI dhe D3c0ders me Gjejzën.

Nga Vodafon Albania ishte e pranishme Zoica Doko, e cila referoi mbi temën “Frika e pasigurisë”. Sipas Zoicës, “Nëse një gjë është e panjohur përballuni me të. Mund të dështoni por gjejeni forcën të ngriheni dhe kështu do të kuptoni se siguria është pjesë e të gjithëve”.
Rezart Prifti theksoi gjatë fjalës së tij në panel se dhuna ndaj grave bëhet pengesë për karrierën e tyre.

Qëllimi i këtij aktiviteti ishte ndërgjegjësimi i institucioneve publike dhe private, prindër dhe edukatorë, për të krijuar mekanizmat e duhur për një internet më të sigurt për fëmijët dhe të rinjtë. Të ftuar në këtë aktivitet ishin znj. Anisa Ruseti , nënkryetare e Bashkisë Tiranë, Drejtoresha Rajonale për Evropën dhe Azinë Qendrore, znj. Afshan Khan, Dr Roberto De Bernardi përfaqësues i UNICEF në Shqipëri dhe znj.Vilma Tomco, Drejtor i Përgjithshëm i AKCESK.

Fëmijët ndanë me bashkëmoshataret e tyre aplikacionin më të ri, ‘ichild Quiz’ publikuar në faqen zyrtare të aksk.gov.al, ku nëpërmjet lojës ata testojnë aftësitë e tyre në lidhje me çështjet e internetit të sigurt.

Eksperiencën si këshillues të vegjël, nxënësit e klasave te VI,VII, VIII në qarqe të ndryshme të Shqipërisë e përfituan nëpërmjet trajnimeve të organizuar nga AKCESK dhe UNICEF, ku për herë të parë u aplikua si praktikë në formatin e një manuali me gjuhën e fëmijëve për fëmijët. Ky manual po i ndihmon fëmijët të zgjerojnë njohuritë dhe të rrisin aftësitë e nevojshme për t’u rritur në epokën dixhitale.

Rritja e ndërgjegjësimit dhe ngritja e kapaciteteve tek të gjithë segmentet e shoqërisë për përdorimin e sigurt të internetit nga fëmijët është një nga objektivat kryesore të Autoritetit.

Në të morën pjesë të gjitha grupet e interesit, me përfaqësues nga institucionet publike dhe shoqëria civile. Drafti u vlerësua si një hap i nevojshëm për ngritjen e një mekanizmi koordinues mes aktoreve të fushës, për trajtimin dhe zgjidhjen e problematikave që lidhen me sigurinë e fëmijëve online.

Në fund të takimit u prezantuan aktivitetet që do të ndërmarrin të gjithë aktorët e fushës, për arritjen e objektivave të strategjisë dhe mirëfunksionimin e ndërveprimit ndërmjet tyre. Strategjia Kombëtare për Sigurinë Kibernetike është parashikuar te miratohet brenda 6-mujorit të parë të vitit 2019.