admin aksk, Author at AKSK

Festat e Fundvitit – Takim për Vigjilencë të Shtuar me Infrastrukturat Kritike të Informacionit

admin aksk — Mon, 30 Dec 2024 09:28:40 +0000

Gjatë ditëve të fundit të këtij fundviti, Autoriteti Kombëtar për Sigurinë Kibernetike organizoi disa takime me përfaqësuesit e Infrastruktures Kritike të Informacionit. Qëllimi kryesor i këtyre takimeve ishte diskutimi dhe shkëmbimi i informacionit mbi rreziqet kibernetike që mund të shtohen gjatë periudhës festive, si dhe masat që duhen ndërmarrë për të parandaluar dhe adresuar këto kërcënime.

Këto takime u përqendruan në promovimin e praktikave më të mira, rritjen e vigjilencës dhe forcimin e bashkëpunimit mes institucioneve për të siguruar mbrojtjen e infrastrukturave kritike. Festat janë një moment gëzimi për të gjithë, por siguria kibernetike duhet të mbetet prioritet, për të garantuar një fundvit të sigurt dhe të qetë për çdo qytetar dhe institucion.

Konferenca e Ambasadorëve – Igli Tafa: “Të forcojmë kapacitetet dhe edukimin për të përballuar kërcënimet e keqinformimit”

admin aksk — Tue, 27 Aug 2024 08:45:22 +0000

Drejtori i Përgjithshëm i Autoritetit Kombëtar për Sigurinë Kibernetike (AKSK), z. Igli Tafa, mori pjesë në Konferencën e Ambasadorëve “Diplo 2024”, ku drejtoi panelin “Sfidat e reja të politikave të sigurisë, kufijtë e kërcënimeve kibernetike, keqinformimit dhe dezinformimit.” Paneli përfshiu ekspertë dhe zyrtarë të lartë, të cilët diskutuan rreth sfidave komplekse që paraqet keqinformimi dhe dezinformimi në botën digjitale, si dhe masat që duhen ndërmarrë për të mbrojtur sigurinë kombëtare dhe globale.

Në fjalën e tij, z. Tafa theksoi se keqinformimi është kthyer në një nga kërcënimet më të mëdha për sigurinë dhe stabilitetin e vendeve, pasi përdoret për të manipuluar opinionin publik dhe për të minuar besimin në institucione. Ai bëri thirrje për forcimin e kapaciteteve të sigurisë kibernetike, rritjen e edukimit të publikut për të njohur dhe kundërshtuar keqinformimin, promovimin e verifikimit të informacionit, si dhe për një bashkëpunim të ngushtë ndërkombëtar që synon mbrojtjen e integritetit të informacionit dhe garantimin e një të ardhme të sigurt për të gjithë.

Diskutimet në konferencë nënvizuan nevojën për krijimin e strategjive të reja dhe inovativepër të adresuar sfidat e vazhdueshme në fushën e sigurisë kibernetike, duke u fokusuar në forcimin e bashkëpunimit global dhe rritjen e ndërgjegjësimit të shoqërive për t’u mbrojtur nga kërcënimet e reja kibernetike.

Ambasadori i Holandës për çështjet e sigurisë kibernetike, viziton AKSK- Nxisim partneritetin për Sigurinë Kibernetike

admin aksk — Tue, 27 Aug 2024 07:56:37 +0000

Sot, Autoriteti Kombëtar për Sigurinë Kibernetike pati kënaqësinë të presë në një vizite zyrtare Ambasadorin e Lartë të Holandës për çështjet e sigurisë kibernetike, z. Ernst Noorman. Ambasadori Noorman u prit nga Drejtori i Përgjithshëm i AKSK, z. Igli Tafa, dhe ekipi drejtues i autoritetit, ku u zhvilluan diskutime të frytshme për përmirësimin e bashkëpunimit në fushën e sigurisë kibernetike.

Gjatë takimit, u vlerësua rëndësia e një partneriteti të fortë mes Shqipërisë dhe Holandës, duke u përqëndruar në projekte konkrete për rritjen e kapaciteteve dhe përballimin e sfidave të reja në hapësirën digjitale. U theksua gjithashtu roli i Shqipërisë në zhvillimin e një ekosistemi të qëndrueshëm kibernetik në Ballkanin Perëndimor dhe nevoja për bashkëpunim të ngushtë ndërkombëtar për të adresuar kërcënimet kibernetike.

Ambasadori Noorman shprehu mbështetjen e plotë të Holandës për përpjekjet e Shqipërisë në fushën e sigurisë kibernetike dhe vlerësoi progresin e arritur deri më tani. AKSK mbetet e angazhuar për të vazhduar dhe zgjeruar këtë bashkëpunim të rëndësishëm, me synimin për të krijuar një mjedis digjital të sigurt dhe të qëndrueshëm ndërkombëtar.